Hanes a phrofiad yr adweithydd

Bu Hitachi-GE yn rhan o raglen datblygu’r ABWR o’r dechrau, gan gydweithredu ag amrywiol bartneriaid ledled y byd a chyda chefnogaeth gan gwmnïau pŵer gyda phrofiad o weithredu gorsafoedd BWR. Erbyn hyn mae pedair uned weithredol wedi’u hadeiladu ar dri safle yn Japan (Kashiwazaki-Kariwa, Shika, Hamaoka) ac mae’r ABWR wrthi'n cael ei adeiladu yn Shimane ac Ohma yn Japan. Mae wedi derbyn cymeradwyaethau rheoleiddiol yn UDA a Taiwan hefyd.

Drwy gydol datblygiad technoleg y BWR, mae Hitachi-GE ac eraill wedi canolbwyntio ar broses o esblygu, datblygu adweithyddion un ar ôl y llall gyda manteision gweithredol, diogelwch ac economaidd uwch na’r modelau blaenorol. Yr ABWR yw’r adweithydd niwclear Cenhedlaeth III+ mwyaf sefydledig yn y byd.

Ar y tri safle yn Japan, mae’r ABWR hefyd wedi cael ei ddatblygu ar amser ac o fewn y gyllideb - profiad y gellir adeiladu arno ar gyfer datblygu yn y DU. 

Ar ôl cwblhau'r GDA – a datblygu ABWR y DU - mae Hitachi-GE yn edrych ymlaen at weld y dechnoleg yn cael ei defnyddio yn y DU gan Bŵer Niwclear Horizon.